Нэг. Ерөнхий нөхцөл

• “АРТҮМ СТОР“ ХХК (цаашид “Компани” “Бид” гэх) нь өөрийн ARTUM STORE дамжуулан үйлдвэрлэгч, импортлогч, нийлүүлэгчдийн бараа бүтээгдэхүүн (“Бараа” гэх)-ий мэдээллийг Хэрэглэгч, худалдан авагчдад санал болгож, худалдан авалтыг цахимаар хийх боломжийг олгон зуучилж буй цахим худалдааны платформыг эрхлэн явуулагч болно.
• Энэхүү журам нь 2024 оны 12 дугаар сарын 16-ны өдрөөс хүчин төгөлдөр үйлчилнэ. Үйлчилгээний нөхцөлөөр Цахим худалдааны платформыг ашиглан Бараа худалдах, Хэрэглэгч худалдан авахтай холбоотой үүсэх харилцааг зохицуулна.
• Үйлчилгээний журамд заагдсан нэр томьёог доор дурдсан утгаар ойлгоно. Үүнд:
• Хэрэглэгч www.store.artum.mn сайтад нэвтэрч бүртгүүлэхдээ Үйлчилгээний журам болон нөхцөлтэй уншиж, танилцах үүрэгтэй.
• Та манай вебсайтад www.store.artum.mn холбоосоор нэвтрэх бөгөөд бидний үйлчилгээтэй танилцан, “Би хүлээн зөвшөөрч байна” -г гэсэн товчийг идэвхжүүлсэнээр Үйлчилгээний журам болон нөхцөлийг хүлээн зөвшөөрсөнд тооцно. 
• Уг журам болон нөхцөлийг хүлээн зөвшөөрөөгүй тохиолдолд www.store.artum.mn үйлчилгээнд нэвтрэх болон ашиглах эрх үүсэхгүй.

• “www.store.artum.mn” гэдэг нь АРТҮМ СТОР ХХК компанийн албан ёсны вебсайтыг;
• “Бид”, “Манай” гэдэг нь АРТҮМ СТОР ХХК-г;
• “Хэрэглэгч” гэдэг нь www.store.artum.mn вебсайтын үйлчилгээний журам, нөхцөлийг хүлээн зөвшөөрч,                      үйлчилгээ авч буй иргэн, хуулийн этгээдийг;
• “Үйлчилгээ” гэдэг нь програм хангамж, дижитал контент, бидний зүгээс хэрэглэгчид үзүүлж буй тусламж,                     үйлчилгээг;
• “Програм хангамж” гэдэг нь вебсайтын програм хангамжийг;
• “Төхөөрөмж” гэдэг нь суурин болон зөөврийн компьютер, таблет, гар утас, бусад ижил төрлийн                                                  хэрэгслүүдийг;

• “Дижитал бүтээгдэхүүн” гэдэг нь зураг, ном, сонин, сэтгүүл, таних тэмдэг зэрэг  дижитал хэлбэр бүхий                            бүтээгдэхүүн тус тус ойлгоно.

• *Худалдан авалтын шимтгэл - ARTUM STORE таны худалдан авсан бүтээгдэхүүний дээр шимтгэл нэмдэггүй хамгийн хямд үнээр хэрэглэгчдэд хүрэх зорилготой 

• *Үйлчилгээний төлбөр 0.0₮* -  Хэрэглэгч, худалдан авагч талаас үйлчилгээний төлбөр авдаггүй.

Хоёр. Хэрэглэгч болон Бүртгүүлэх

• Хэрэглэгч Цахим худалдааны платформд өөрийн цахим шуудангийн хаяг болон утасны дугаараар, эсхүл өөрийн албан ёсны facebook хаягаар шууд нэвтэрч бүртгэл үүсгэнэ.
• Бүртгэл үүсгэх үед Хэрэглэгчийн оруулсан цахим шуудангийн хаяг болон гар утасны дугаар руу нэвтрэх нэг удаагийн баталгаажуулах код илгээнэ. Хэрэглэгч нь нэвтэрсний дараа нэвтрэх нууц үг болох өөрийн хувийн мэдээллийн аюулгүй байдлыг хангах үүрэгтэй.
• Хэрэглэгчээр бүртгүүлснээр Бараа захиалах, хүслийн жагсаалт үүсгэх, өөрийн захиалгыг хянах эрх үүснэ.
• Хэрэв Цахим худалдааны платформыг ашиглах иргэн нь иргэний эрх зүйн бүрэн чадамжгүй, насанд хүрээгүй бол зөвхөн эцэг эх, асран хамгаалагч, харгалзан дэмжигчийн хамт, тэдгээрээр дамжуулан Үйлчилгээний нөхцөлийн дагуу худалдан авалт хийнэ.
• Хэрэглэгч нь Цахим худалдааны платформ нэвтрэх цахим шуудан болон нууц үгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна.
• Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ.
• Цахим худалдааны платформын хэвийн ажиллагаа, түүний мэдээллийн аюулгүй байдал, мэдээллийн нууцлалыг Компани хариуцна. 

• АРТҮМ СТОР-той хамтран ажиллах компани, дэлгүүр, үйлдвэрлэгч, нийлүүлэгчид ДЭЛГҮҮР ҮҮСГЭХ бүртгүүлж дэлгүүрээ үүсгэж гэрээ байгуулсны үндсэн дээр үйл ажиллагаа явуулж эхэлнэ.

Гурав. Захиалга хийх, баталгаажих, хүргэгдэх, цуцлах хугацаа

Захиалга хийх хугацаа:

• Хэрэглэгч www.store.artum.mn цахим худалдааны системийг ашиглан 24 цагийн аль ч цагт хэдэн удаа ч захиалга хийж болно.
• Хэрэглэгч нь зөвхөн цахимаар худалдан авалт хийх бөгөөд, зөвлөгөө болон  туслалцааг утас 7999-8999, Facebook чат, и-мэйлээр авах боломжтой.

Захиалга баталгаажих, цуцлагдах хугацаа:

• Хэрэглэгч нь захиалга хийж, төлбөрийг бүрэн шилжүүлснээр захиалга баталгаажна. www.store.artum.mn -д захиалга баталгаажсанаар Хэрэглэгч болон дэлгүүр болон нийлүүлэгч нарын хооронд гэрээ байгуулагдсан гэж үзнэ.
• Захиалгын төлбөр холбогдох дансанд орж ирээгүй тохиолдолд захиалга автоматаар цуцлагдана. Нэгэнт цуцлагдсан захиалгыг дахин сэргээх боломжгүй бөгөөд Хэрэглэгч хүсвэл захиалгыг дахин шинээр үүсгэх боломжтой.

Бараа хүргэгдэх хугацаа:

• www.store.artum.mn  нь Хэрэглэгчийн хийсэн захиалгын төлбөр албан ёсны дансанд эхлэн захиалга албан ёсоор хийгдэж баталгаажсан гэж үзнэ.
• Захиалга хийх, төлбөрийг шилжүүлэх, бараа, бүтээгдэхүүн хүлээж авах бүрд Хэрэглэгчийн бүртгүүлсэн цахим шууданд болон бүртгүүлсэн гар утсанд ARTUM STORE-ooc мэдэгдэл илгээнэ.
• Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч захиалгын төлбөрийг бүрэн төлсөн хойш бэлэн барааг Улаанбаатар хотод 2-4 цагт хүргэгдэнэ.
• Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.
• Онцгой бараа:

• Барааны төрөл, хэлбэр, жин, овор хэмжээнээс хамааран захиалга болон хүргэлт хийх хугацаа өөр байх боломжтой. Хэрэв Хэрэглэгчийн хийсэн захиалгын бараа онцгой шинж чанартай байх тохиолдолд тухайн үед нь Хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно.

НӨАТ-ын цахим баримт илгээх тухай

• Захиалгын цахим төлбөрийн и-баримт нь АРТҮМ СТОР ХХК-ийн үйл ажиллагааны чиглэл буюу цахим худалдааны онцлогоос хамааран захиалга хүргэгдсэнээс хойш хуанлын 72 цагийн дотор Хэрэглэгчийн бүртгэлтэй цахим хаягт болон Хэрэглэгчийн профайл хэсэгт илгээгдэнэ.
• НӨАТ төлөгч бус байгууллагын бараа бүтээгдэхүүний худалдан авалтын захиалгын цахим төлбөрийн и-баримт нь байгууллага болон хувь хүнд тухайн мерчантын нэрийн өмнөөс НӨАТ - гүй дүнгээр илгээгдэнэ.
• Дээрх нөхцөлүүд нь хувь хүн болон байгууллагын НӨАТ-ын цахим баримтад хамааралтай болно.

 Дөрөв. Үнэ, Төлбөр төлөх, захиалга цуцлах

Вебсайтын бараа бүтээгдэхүүний үнийг тухайн үйлдвэрлэгч, бэлтгэн нийлүүлэгч, борлуулагч өөрөө тогтоодог тул бид захиалга хүлээж авахаас өмнө бараа бүтээгдэхүүний үнийг баталгаажуулах боломжгүй. Хэрэв шаардлагатай бол Үйлдвэрлэгч, импортлогч, дэлгүүрийн мэдээлэл байх тул шууд холбогдож асуух боломжтой. Хэрэглэгч захиалга хийсний дараа шууд нийлүүлэгчдэд худалдан авалтын мэдээлэл хүрдэг тул шууд таньтэй холбогдож мэдээлэл хүрэх болно.

• Вебсайт дээр харагдаж буй үнэ барааны үнэ бөгөөд барааны үндсэн үнэ /НӨАТ орсон үнэ/ юм. Үнийн дүнгээс хамаарч зарим барааны хүргэлдийн зардал багтсан үнэ.

• Хэрэглэгч бараа захиалж тухайн бараанд нэхэмжлэх авч болно.

• Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний Бүртгэл” хэсгээс захиалгын тухай дэлгэрэнгүй мэдээллийг харах боломжтой.

• ARTUM STORE нь захиалгын нийт үнийн дүнг 100 хувь урьдчилан хүлээн авснаар захиалга автоматаар баталгаажна.

• Хэрэглэгч бараа бүтээгдэхүүн, үйлчилгээний мэдээлэлтэй сайтар танилцаж, захиалгаа давхар нягтлах үүрэгтэй бөгөөд захиалгын төлбөрийг төлсөн бол тус захиалгыг Үйлчилгээний нөхцөл, Буцаалтад зааснаас бусад тохиолдолд буцаах, солих боломжгүй.
• Хэрэглэгч Дижитал бүтээгдэхүүн болон купон худалдан авсан тохиолдолд буцаах боломжгүй.
• Хэрэглэгчийн захиалсан барааны загвар зөрсөн, гэмтэлтэй байсан тохиолдолд ARTUM STORE нь тус барааг солиулах эсвэл төлбөрийг буцаан олгох сонголтыг олгоно.
• ARTUM STORE-н бараа захиалгын тээвэрлэлтийг мэргэжлийн байгууллага хариуцаж гүйцэтгэх тул захиалсан бараа гэмтэлтэй ирсэн тохиолдолд дээрх нөхцөлийн дагуу арга хэмжээ авна.
• Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг ARTUM STORE хүлээн авах, барааг буцаах боломжгүй. 

Тав. Оюуны өмчтэй холбоотой эрхийг хамгаалах

• Цахим барааны тэмдэгтүүд нь АРТҮМ СТОР ХХК-ний өмч бөгөөд бараа бүтээгдэхүүний барааны тэмдгүүд нь Брендүүдийн өмч болно. Энэхүү вэбсайтын лого, нэр, бүтэц, загвар, контентыг хуулах, олшруулах, дуурайх, бусад хэлбэрээр ашиглах болон бусад этгээдийн зүгээс ашиг олох зорилгоор ашиглахыг хориглоно.
• “АРТҮМ СТОР” ХХК-ийн оюуны өмчийн эрх зөрчигдсөн тохиолдолд холбогдох этгээдэд Оюуны өмчийн тухай хууль, Зөрчлийн тухай хууль, Эрүүгийн тухай хуульд заасан хариуцлага хүлээлгэнэ.
• ARTUM STORE болон контент нийлүүлэгчдийн өмчлөгчийн зөвшөөрөлгүйгээр контентыг хувилж тараах, нийтлэх, арилжааны зорилгоор ашиглахыг хориглоно.
• ARTUM STORE нь бусдын оюуны өмчийн эрхийг хүндэтгэж ажилладаг ба та оюуны өмчийн эрх зөрчигдөж байна гэж үзвэл бидэнд хандана уу

Зургаа. Захиалгын хүргэлт хийгдэх байршил, хүргэлтийн төлбөр

• Хэрэглэгчийн захиалгын тээвэрлэлт, хүргэлтийн төлбөрийг хэрэглэгч төлнө.
• Орон нутгийн хүргэлтийг тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар хүргүүлнэ. Үйлчилгээний хөлс болон үүсэх эрсдэлийг Хэрэглэгч хариуцна.
• Хэрэглэгч бараа бүтээгдэхүүнийг хүлээн авах хаяг, холбоо барих утасны дугаараа /маш тодорхой/ үнэн зөв бөглөх үүрэгтэй ба буруу мэдээллээс болж үүдэн гарах зардал, алдагдлыг Хэрэглэгч хариуцна. Хүргэлт хийгдэх цагаар утсаа нээлттэй байлгах, хаяг дээрээ байх шаардлагатай.
• Худалдан авалттай холбоотой дэлгэрэнгүй мэдээлэл Хэрэглэгчийн бүртгүүлсэн цахим хаяг, бүртгүүлсэн гар утас руу тогтмол илгээгдэх ба Хэрэглэгч өөрийн захиалгын түүх дотроосоо харах боломжтой.
• Хүргэгдсэн бараа, бүтээгдэхүүнийг буцаах, солиулахтай холбоотой харилцааг энэхүү үйлчилгээний нөхцөлийн  “Бараа, бүтээгдэхүүнийг буцаах, солих журам”-ыг баримтлан шийдвэрлэнэ.

Долоо. Хэрэглэгчийн гомдол, маргаан шийдвэрлэх

• Хэрэглэгч www.store.artu.mnүйл ажиллагаанд холбогдуулж санал хүсэлт, гомдол гаргах эрхтэй бөгөөд санал хүсэлт, гомдлыг цахим хэлбэрээр “Санал хүсэлт илгээх” форм бөглөж гаргана.
• Хэрэглэгч нэн тэргүүнд санал хүсэлт, гомдлоо дээр дурдсан хэлбэрээр буюу www.store.artum.mn-тэй шууд холбогдон гаргах бөгөөд “АРТҮМ СТОР” ХХК-ийн нэр хүнд болон үйл ажиллагаанд хүндэтгэлтэй хандаж компанийн нэр хүндэд халдахуйц байдлаар олон нийтийн хэрэгслээр мэдээлэл түгээх зэргээр хориглосон аливаа үйлдлийг гаргахгүй байх үүрэгтэй.
• Хэрэглэгчийн гомдлыг хүлээн авч формд үлдээсэн утасны дугаар, цахим хаягаар холбогдож хэр хугацаанд хэрхэн шийдэх тухай мэдэгдэнэ. “ARTUM STORE” таны асуудлыг судлаад өгсөн хариу болон авсан арга хэмжээнд та сэтгэл хангалуун бус байгаа тохиолдолд та Монгол Улсын шүүхэд хандаж маргааныг шийдвэрлүүлэх боломжтой.

Найм. Гэнэтийн болон давагдашгүй хүчин зүйл

• Гэнэтийн давагдашгүй хүчин зүйлсийн улмаас талуудын энэхүү үйлчилгээний нөхцөлд заасан үүргээ биелүүлээгүй буюу зохих ёсоор биелүүлээгүй бол нөгөө талдаа ажлын гурав хоногийн дотор цахим шуудангаар дамжуулан мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно.
• Давагдашгүй хүчин зүйлсийн улмаас талууд хууль болон энэхүү Үйлчилгээний нөхцөлд заасан үүргээ биелүүлээгүй эсвэл зохих ёсоор  биелүүлээгүй талууд үүнийг нотолсны дүнд харилцан бие биений өмнө болон гуравдагч этгээдийн өмнө хариуцлага хүлээхгүй.
• Гэнэтийн давагдашгүй хүчин зүйлс бий болсон нь нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ.
• Гэнэтийн давагдашгүй хүчин зүйлс гэдэгт талуудын хараа хяналтаас гадуур болсон, урьдчилан таамаглах боломжгүй, урьдчилан сэргийлж, шинжлэх ухаан, техникийн ололтыг ашиглан даван гарах боломжгүй дараах саад тотгор тохиолдсоны улмаас талууд энэхүү Үйлчилгээний нөхцөлд заасан үүргээ биелүүлж чадахгүйд хүрэхийг ойлгоно. Үүнд:
• Зарласан болон зарлаагүй дайн, зэвсэгт мөргөлдөөн, бослого, гадаадын түрэмгийлэл, хорлон сүйтгэх ажиллагаа, хувьсгал;
• Байгалийн бүх төрлийн гамшиг  /гал түймэр, газар хөдлөлт, хүчтэй хар салхи, шуурга, аянга цахилгаан, үер усны гамшиг зэрэг/ 
• Төрийн албан тушаалтны хуулийн дагуух болон хууль бус үйлдэл, эс үйлдэл, эрх зүйн акт, тушаал, захирамж;
• Тэсрэлт, дэлбэрэлт, машин үйлдвэрлэлийн тоног төхөөрөмжийн эвдрэл, цахилгааны ноцтой гэмтэл; бүх төрлийн хязгаар хориг, өвчин тахал, хорио цээр, хариуцлагаас чөлөөлөгдөх хүсэлтэй талын аж ахуй нэгжид тохиолдсон ажил зогсолт, ажил хаялт;
• Программ хангамж, техник тоног төхөөрөмжийн эвдрэл гэмтэл, хакер халдлага зэрэг, үүнээс бусад талуудын хүсэл зоригоос үл хамаарах шалтгаануудыг ойлгоно.

Ес. Бусад

• АРТҮМ СТОР ХХК нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр www.store.artum.mn сайт дээр нийтэд нээлттэй нийтлэх бөгөөд Хэрэглэгч нь танилцах үүрэг хүлээнэ.
• Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалгыг хүргэх шатанд өөрчлөгдсөн тохиолдолд өмнөх үйлчилгээний нөхцлийг үндэслэн бараа, бүтээгдэхүүнийг хүлээж авах хүртэлх хугацаанд хүчинтэйд тооцох болно.